समाचार

नेपाली कांग्रेसको वडा तहको अधिवेशन स्थगन

1627114054.nepali-congress_ryuq9bGf89.jpg

काठमाडौं- नेपाली कांग्रेसले वडा तहको अधिवेशन स्थगन गर्ने निर्णय गरेको छ। साउन १२ बाट गरिने भनिएको वडा तहको अधिवेशन कांग्रेस क्रियाशीलता विवादले स्थगन गरिएको प्रवक्ता विश्वप्रकाश शर्माले जानकारी दिए।

कांग्रेसको शनिबार बसेको पदाधिकारी एवम् पूर्वपदाधिकारीकाे बैठकले वडा तहको अधिवेशन स्थगन गर्ने निर्णय गरेको शर्माले बताए।  शर्माले भने, '१२ गतेका लागि ताेकिएकाे वडा अधिवेशन स्थगन गरिने भएकाे छ। क्रियाशील सदस्यता छानबिन समितिले प्रतिवेदन बुझाएपछि अर्काे मिति ताेकिनेछ।' उनले यसबाट केन्द्रीय अधिवेशनकाे कार्यतालिका भने प्रभावित नहुने बताए। यद्यपि यसबारे नेताहरुबीच छलफल भइरहेकाे छ।

साउन १२ गते ९ बजे कांग्रेस क्रियाशील सदस्यता छानविन समितिले प्रतिवेदन पार्टी सभापति देउवालाई बुझाउने र त्यसपछि त्यसमा छलफल गरेर नयाँ मिति तय हुने शर्माले जानकारी दिएका छन्।

कांग्रेसले १४औं महाधिवेशन भदौं १६ देखि काठमाडौंमा हुने गरी तोकिएको छ। अन्य तहको महाधिवेशन भने नसारिएको उनले बताए।

प्रतिक्रिया दिनुहोस्
थप समाचार
लेखकबाट थप
ताजा अपडेट
सर्वाधिक पढिएको