समाचार

सर्वोच्चको फैसलालाई स्वागत गर्दै जनकपुरधाममा दीप प्रज्ज्वलन

1626096538.Janakpur.jpg

जनकपुरधाम- प्रतिनिधिसभा पुनर्स्थापना गर्ने सर्वोच्च अदालतको फैसला आएसँगै जनकपुरधाममा विपक्षी गठबन्धनले दीप प्रज्ज्वलनसहित विजयी जुलुस निकालेको छ।

अदालतले प्रतिनिधिसभा पुनर्स्थापना गरेपछि संयुक्त विद्यार्थी संगठनको अगुवाईमा आइतबार जनकपुरधामको रेल्वे स्टेसनबाट निस्केको जुलुसले नगर परिक्रमा गरेको छ।

संयुक्त विद्यार्थी संगठनले रेल्वे स्टेशनबाट जुलुस निकालेर भानुचोक, शिवचोक, जनकचोक, रामचोक, सोनरपट्टी, जानकीचोक हुदैँ पुनः जनक चोकमा पुगेर कोणसभा गरेका छन्। 

अदालतले प्रतिनिधिसभा पुनर्स्थापना गर्दै कांग्रेस सभापति शेरबहादुर देउवालाई प्रधानमन्त्री बनाउनसमेत गरेको फैसलाको भव्यतापूर्वक स्वागत गरिएको हो। जुलुस प्रदर्शनका क्रममा अखिल क्रान्तिकारी धनुषा, अनेरास्ववियू धनुषा, नेविसंघ र समाजवादी विद्यार्थी यूनियन लगायतका संंगठनका नेता तथा कार्यकर्ताहरुको सहभागिता थियो।

प्रतिक्रिया दिनुहोस्
थप समाचार
लेखकबाट थप
ताजा अपडेट
सर्वाधिक पढिएको