समाज

कोरोना संक्रमितले गरे आत्महत्या

1622625678.nepal samaya.jpg

विराटनगर– विराटनगरमा कोरोना संक्रमित एक जनाले आत्महत्या गरेका छन्। विराटनगर महानगरपालिका–१३ का २८ वर्षीय वीरनारायण यादवले आफ्नै घरको पंखामा झुन्डिएर आत्महत्या गरेका हुन्। 

लागुऔषध ओसारपसारको आरोपमा वैशाख २७ गते पक्राउ परेका उनमा प्रहरी हिरासतमा नै भएको अवस्थामा कोरोना संक्रमण भएको पुष्टि भएको थियो। कोरोना संक्रमित भएको पुष्टि भएपछि अदालतले उनलाई होम आइसोलेसनमा राख्न आदेश दिएपछि जेठ ८ गते परिवारको जिम्मा लगाइएको जिल्ला प्रहरी कार्यालय मोरङले जानकारी दिएको छ। 

परिवारको जिम्मामा लगाइएका लागुऔषध मुद्दाका अभियुक्तले घरमै झुण्डिएर आत्महत्या गरेको मोरङ प्रहरीका प्रवक्ता डीएसपी मानबहादुर राईले बताए। उनका अनुसार घरको कोठाभित्र रहेको पंखामा डोरीको पासो लगाएर झुन्डिएको अवस्थामा देखेपछि परिवारका सदस्यले डोरी काटेर यादवलाई उपचारका लागि कोशी अस्पताल ल्याएका थिए। अस्पताल ल्याउनसाथ उनलाई चिकित्सकले मृत घोषित गरेका थिए।

प्रतिक्रिया दिनुहोस्
थप समाचार
लेखकबाट थप
ताजा अपडेट
सर्वाधिक पढिएको