समाचार

काठमाडौं महानगरको खोप अभियान फेरि सञ्चालन हुने

1612669717.jpg

काठमाडौं- महानगरपालिकाले कोरोना खोप (भेरोसेल) अभियान पुनः सञ्चालन गर्ने भएको छ। महानगरले सूचना जारी गर्दै भोलि र पर्सि (जेठ ३१ र असार १ गते) खोप अभियान सञ्चालन गरिने जनाएको छ। 

यसअघि महानगरपालिकाले निर्धारित तालिकाभन्दा दुई दिनअगावै खोप कार्यक्रम स्थगित गरेको थियो। अब सञ्चालन हुने खोप कार्यक्रममा ६० र ६१ वर्ष उमेर समूहका व्यक्तिलाई पनि खोप दिइने छ। यसपटक भने अस्पतालबाट खोप कार्यक्रम सञ्चालन गर्न लागिएको जनाइएको छ। 

यसपटक काठमाडौंमा वीर अस्पताल, वीरेन्द्र सैनिक अस्पताल, त्रिवि शिक्षण अस्पताल र निजामती कर्मचारी अस्पतालमा खोप कार्यक्रम सञ्चालन गरिने छ। यसअघि ६४, ६३ र ६२ वर्ष उमेरका व्यक्तिले खोप लगाएका थिए।

प्रतिक्रिया दिनुहोस्
थप समाचार
लेखकबाट थप
ताजा अपडेट
सर्वाधिक पढिएको