समाचार

असार १ गतेदेखि दुई महिना मेलम्चीको पानी नआउने

1607836656.jpg

काठमाडौं- मेलम्ची खानेपानी विकास समितिले आगामी असार १ गतेदेखि काठमाडौंमा पानी वितरण बन्द गर्ने भएको छ।

समितिले बिहीबार सूचना जारी गर्दै करिब २ महिनाका लागि पानी वितरण गर्न नसकिने जानकारी गराएको हो। मेलम्चीको सुरुङ खाली गरी निरिक्षण गर्ने र पुनःभरण गर्ने कार्य सुरु गर्न लागेकाले करिब २ महिना नआउने सूचनामा उल्लेख गरिएको छ।

‘सुरुङ खाली गर्न १६ दिन लाग्ने छ’ समितिले जारी गरिएको सूचनामा उल्लेख गरिएको छ, ‘बाँकी समय सुरुङ निरीक्षण, परीक्षण र सुधार कार्य गरी पुनः पानी भर्न लाग्ने छ।’

उक्त कार्य अन्तिम चरणको भएकाले जतिसक्दो चाँडो सम्पन्न गरी पानी पथान्तरणलाई नियमित गर्न हरतरहले प्रयास गर्न समिति प्रतिबद्ध रहेको सूचनामा उल्लेख गरिएको छ।

प्रतिक्रिया दिनुहोस्
थप समाचार
लेखकबाट थप
ताजा अपडेट
सर्वाधिक पढिएको